Алматы облысында әйелдерге жасанды интеллект мүмкіндіктері таныстырылды

«AMANAT» партиясы Алматы облыстық филиалы жанынжағы Әйелдер қанаты мен «Alatau Hub»-тың ұйымдастыруымен цифрлық сауаттылық, стартап және жасанды интеллект бойынша оқыту өтті.

Іс-шараға 40-тан астам қатысушы қатысты. Олар AI құралдарын жұмысқа, кәсіпке және күнделікті міндеттерге қолдану жолдарын үйренді.

Alatau Hub директоры Жазира Жұмахан цифрлық дағдылар мен Astana Hub мүмкіндіктерін түсіндірді.

Әйелдер қанатының төрайымы Меруерт Молдашева мұндай оқытулар әйелдердің жаңа технологияны меңгеріп, оны өз қажетіне тиімді пайдалануына жол ашатынын атап өтті.

Басты мақсат – әйелдердің цифрлық сауатын арттырып, жасанды интеллект мүмкіндіктерін түсінікті ету.