Әйелдер қанатының қатысуымен өткен барлық деңгейдегі мәслихат депутаттарының III республикалық форумы

Тәуелсіздік сарайында Қазақстан Республикасының Президенті Қасым-Жомарт Тоқаев қатысуымен барлық деңгейдегі мәслихат депутаттарының III республикалық форумы өтті. Форум барысында өңірлерді дамыту, мәслихаттардың жұмыс тиімділігін арттыру, сондай-ақ орталық және жергілікті билік арасындағы өзара іс-қимылды нығайту мәселелері кеңінен талқыланды.

Еліміздің әр өңірінен келген депутаттарды біріктірген бұл жиын тәжірибе алмасуға, өзекті бастамаларды қарастыруға және Қазақстанның тұрақты дамуына бағытталған жаңа шешімдерді қалыптастыруға мүмкіндік берді.

Сонымен қатар, форум жұмысына «AMANAT» партиясы Солтүстік Қазақстан облыстық филиалы жанындағы Әйелдер қанатының мүшелері қатысып, өңірлерді дамытуға бағытталған бастамалар мен пікірталастарға белсенді атсалысты.