«Әділет» партиясы: Әділетті қоғамның іргесі отбасындағы құндылықтан басталады
Әділет, жауапкершілік, еңбекқорлық және прогресс – жай ұран емес, күнделікті өмірден көрінетін құндылықтар. Семейдегі Аубакировтар отбасының бала тәрбиесі осы ұстанымдардың қарапайым әрі нақты көрінісін көрсетеді.
Отбасы күніне орай «Әділет» партиясы Абай облыстық филиалының басшысы Айдар Ибраев пен партияның Әйелдер қанатының өңірлік кеңесшісі Әйгерім Смағұлова Аубакировтар шаңырағына арнайы барып, отбасы мүшелерін мерекемен құттықтады. Тұрсын мен Айым Аубакировтар үш баланы тәрбиелеп отыр. Отбасында білімге ұмтылу, еңбек ету, спорт пен өнерге қызығу – күнделікті өмір салтына айналған. 10 жастағы Мансұр – оқу озаты, таэквондодан қалалық, облыстық, республикалық және халықаралық жарыстардың жеңімпазы. Математика олимпиадаларында жүлделі орындарға ие болған. Домбыра тартып, футбол және тоғызқұмалақпен айналысады.