АНАЛАРДЫҢ МӘСЕЛЕСІ ДЕПУТАТ НАЗАРЫНДА
«AMANAT» партиясы Жаңақорған аудандық филиалында «AMANAT» партиясы депутаттық фракциясының мүшесі Ақмарал Маликова кездесу өткізді. Онда қоғамның тірегі саналатын аналардың әлеуметтік жағдайы, отбасы құндылығы мен тұрмыстық мәселелері әрдайым басты назарда болуы тиіс. Осы бағытта өткен кездесуде аналарды толғандырған өзекті мәселелер көтеріліп, оларды шешудің нақты жолдары жан-жақты қарастырылды.
Кездесу барысында көпбалалы аналарды қолдау, әлеуметтік көмек, денсаулық сақтау, бала тәрбиесі, жұмыссыздық пен тұрмыстық түйткілдер төңірегінде ашық пікір алмасу өтті. Әрбір көтерілген мәселе назарға алынып, тиісті сала мамандарымен бірлесіп шешу тетіктері талқыланды.
Сондай-ақ аналардың қоғамдағы рөлін арттыру, отбасы институтын нығайту және тұрғындардың өмір сапасын жақсартуға бағытталған бастамаларды жүзеге асыру мәселелері де сөз болды.
Халықтың мұң-мұқтажына құлақ асып, аналардың ұсыныс-пікірін ескеру – маңызды міндеттердің бірі екені ерекше айтылды.