Әйелдер қанаты: тұрғындар мәселесіне қолдау

«AMANAT» партиясы Шымкент қалалық филиалының қоғамдық қабылдау бөлмесінде «Құқықтық көмек» партиялық жобасы аясында азаматтарды жеке қабылдау өтті. Қабылдауды Әйелдер қанатының белсенді мүшесі, қалалық мәслихат депутаты, партия фракциясының мүшесі Альбина Елшиева жүргізіп, тұрғындардың арыз-өтініштері мен ұсыныстарын тыңдады.

Әрбір өтініш бойынша тиісті түсіндіру жұмыстары жүргізіліп, жауапты мекемелермен байланыс орнатылды.
Кездесу барысында Достық шағын ауданының тұрғыны жоғары оқу орнын аяқтағалы отырған қызының жұмысқа орналасуына көмек беруін сұрады. Бұл мәселе  назардан тыс қалмай, депутат тиісті басқарма өкілдерімен хабарласып, азаматтың жауапты басшының қабылдауына жазылуына ықпал етті.
Альбина Елшиеваның айтуынша, мұндай қоғамдық қабылдаулардың негізгі мақсаты — тұрғындардың мәселесін тыңдап қана қоймай, оны шешу жолдарын нақты қарастыру.
«Тұрғындардың әрбір мәселесі назардан тыс қалмауы керек. Қоғамдық қабылдаулардың басты мақсаты — халықпен тікелей байланыс орнатып, олардың түйткілдерін шешуге нақты қолдау көрсету», — деді Альбина Елшиева.