ТАЗА ҚАЗАҚСТАН – ТАЗА БОЛАШАҚ

«Таза Қазақстан» экологиялық акциясына Әйелдер қанатының белсенділері де ерекше үлес қосты. 19 қыркүйек – Дүниежүзілік тазалық күніне орай «Қордай», «Сарыбұлақ» және «Қасық» бастауыш партия ұйымдарының ұйымдастыруымен өткен ауқымды іс-шараға Әйелдер қанатының мүшелері белсене қатысты.Акцияның негізгі мақсаты – қоршаған ортаның тазалығын сақтау, абаттандыру жұмыстарын жүргізу және тұрғындар арасында экологиялық мәдениетті қалыптастыру, туған жерге деген жауапкершілік пен жанашырлықты арттыру болды.

Іс-шара барысында Әйелдер қанатының белсенділері басқа қатысушылармен иық тіресе жүріп, белгіленген аумақтарды қоқыстан тазартты, сондай-ақ санитарлық тазалық пен абаттандыру жұмыстарына өзіндік үлестерін қосты. Тазалық жұмыстарына ерекше құлшыныспен қатысқан нәзік жандылар қоршаған ортаны қорғау және экологиялық тәрбие беру – баршамызға ортақ міндет екенін іс жүзінде дәлелдеді.