«AMANAT» партиясы: Әйелдер қанаты балаларға қуаныш сыйлады

https://www.facebook.com/share/p/1CHkAYHjck/

«AMANAT» партиясы: Әйелдер қанаты балаларға қуаныш сыйлады

1 маусым – Халықаралық балаларды қорғау күніне орай «AMANAT» партиясы Маңғыстау облыстық филиалы жанындағы Әйелдер қанатының мүшелері, сондай-ақ облыс әкімі жанындағы әйелдер істері және отбасылық-демографиялық саясат жөніндегі комиссия өкілдері өңірдегі балаларды мерекемен құттықтады.

Мерекелік іс-шара аясында алдымен Маңғыстау облыстық балалар ауруханасына арнайы барып, ем қабылдап жатқан бүлдіршіндерге сый-сияпат табысталып, жылы лебіз айтылды. Содан кейін «Ұрпақ» түзету орталығына және облыстық отбасылық типтегі балалар ауылына барып, ерекше қамқорлықты қажет ететін балаларға қуаныш сыйлады.

Іс-шара барысында партияның «Балаңа уақыт арна» акциясы аясында Әйелдер қанатының жетекшісі Пания Сармурзина ата-аналарды бала тәрбиесіне ерекше мән беруге шақырды.

– «Баланың бақытты әрі қауіпсіз өсуі – әрбір ата-ананың басты міндеті. Қазіргі қарбалас заманда балаға уақыт бөліп, оның жан дүниесін түсіну, қауіпсіздігін қамтамасыз ету аса маңызды. Саналы, дені сау ұрпақ тәрбиелеу – қоғам алдындағы ортақ жауапкершілігіміз», – деді Пания Сармурзина.

Сондай-ақ облыстағы бала құқығы жөніндегі уәкіл, «AMANAT» партиясының мүшесі Тілектес Болатбаева баланың дамуы мен тәрбиесіне бар күш-жігерін салып жүрген ата-аналар мен күнделікті балалармен жұмыс істейтін дәрігерлерге, педагогтар мен мамандарға алғыс білдірді.

Өз кезегінде Маңғыстау облыстық балалар ауруханасының директоры Жанар Досжанова көрсетілген қолдау мен ықылас үшін облыстық мәслихат депутаттарына және партия белсенділеріне ризашылығын жеткізді.

– «Балаларға көңіл бөліп, оларға қуаныш сыйлау – үлкен игі іс. Осындай бастамалар балалардың көңіл күйін көтеріп қана қоймай, олардың тез сауығып кетуіне де оң әсер етеді», – деді ол.

Айта кетейік, мұндай игі іс-шаралар өскелең ұрпаққа қамқорлық көрсетіп, қоғамда мейірімділік пен жанашырлық құндылықтарын нығайтуға бағытталған