Петропавл қаласында «Өмірімізден PRO-күн туралы» / «PRO-день из нашей жизни» тақырыбында дәстүрлі кәсіподақтық КВН өтті.
Ойын мектептер, балабақшалар және қосымша білім беру ұйымдарының қызметкерлерін біріктірді. Сахнада «Абай атындағы мектеп-гимназияның «19 PRO MAX» командасы, №4 орта мектептің «ОПГ» командасы, №12 мектептің «Подснежники» командасы, ГДЮЦВР-дың «ДОПИКИ» командасы, №20 орта мектептің «Бір күніміз – бір әлем» командасы және «Береке» балабақшасының командасы өнер көрсетті.
Іс-шара облыстық балалар мен жасөспірімдер шығармашылығы орталығында өтті. Өткізуге қалалық мәслихат депутаты Елена Семидоцких қолдау көрсетті. Қазылар алқасының құрамына кәсіподақ ұйымдарының, білім беру саласының, «AMANAT» партиясының және қоғамдық бірлестіктердің өкілдері енді.
«КВН – бұл педагогтерге өздерін көрсетуге, ұжымдардың ұйымшылдығын танытуға және айналаға жағымды энергия сыйлауға мүмкіндік. Біздің партия әрқашан шығармашылықты, бірлікті және қоғамдық белсенділікті дамытуға бағытталған бастамаларды қолдайды», – деп атап өтті облыстық мәслихат депутаты, «AMANAT» фракциясының мүшесі Сауле Сурағанова.
Ойын қорытындысы бойынша КВН жеңімпазы Абай атындағы мектеп-гимназияның «19 PRO MAX» командасы болды. Қатысушыларға дипломдар, ақшалай сыйлықтар және іс-шара ұйымдастырушылары мен серіктестерінің арнайы номинациялары табысталды.