28 мамыр күні «AMANAT» партиясы Алматы қалалық филиалы жанындағы Әйелдер қанатының өкілдері Алматы қаласы Полиция департаментінің басшылығымен жұмыс кездесуін өткізді.

28 мамыр күні «AMANAT» партиясы Алматы қалалық филиалы жанындағы Әйелдер қанатының өкілдері Алматы қаласы Полиция департаментінің басшылығымен жұмыс кездесуін өткізді.
Кездесу барысында әйелдердің құқықтарын қорғау, жастар қауіпсіздігі, қаржылық алаяқтықтың алдын алу, киберқылмысқа қарсы іс-қимыл, сондай-ақ халықтың құқықтық және ақпараттық сауаттылығын арттыру мәселелері талқыланды.
Тараптар профилактикалық жұмысты күшейту, азаматтардың қауіпсіздігін қамтамасыз ету және қоғамдағы өзекті әлеуметтік мәселелерді шешу бағытындағы өзара іс-қимылды одан әрі дамыту мәселелеріне ерекше назар аударды.
Кездесу қорытындысы бойынша агрессивті мінез-құлыққа бейім тұлғалармен профилактикалық жұмыс жүргізу, қоғамдық ұйымдармен өзара іс-қимылды кеңейту, сондай-ақ киберқауіпсіздік және интернет-алаяқтықтың алдын алу мәселелеріне арналған ауқымды қалалық форум өткізу жөнінде келісімдерге қол жеткізілді.
Әйелдер қанаты үшін бұл кездесудің басты нәтижесі – ашық диалогтың, өзара сенімнің және ортақ мақсат жолындағы серіктестіктің қалыптасуы.
Бүгінгі қауіп-қатерлерге қарсы тұру тек мемлекеттік органдардың ғана емес, бүкіл қоғамның ортақ міндеті. Сондықтан мемлекет, азаматтық қоғам және сарапшылар қауымдастығы күш біріктіргенде ғана нақты нәтижеге қол жеткізуге болады.
Біз мәселелерді талқылау үшін емес, оларды бірлесіп шешу үшін кездестік. Алғашқы қадам жасалды. Алда – нақты жұмыстар мен нақты нәтижелер.