«KOSTANAY. WOMEN. FORUM. 2026»
«KOSTANAY. WOMEN. FORUM. 2026» форумында белсенді кәсіпкер әйелдер марапатталды
Облыс орталығында Қазақстан Іскер әйелдер қауымдастығының 30 жылдығына арналған «KOSTANAY. WOMEN. FORUM. 2026» мерейтойлық форумы өтті. Іс-шараға мемлекеттік органдардың, бизнес қауымдастықтардың, қоғамдық бірлестіктердің өкілдері және Қостанай облысының дамуына елеулі үлес қосып жүрген белсенді әйелдер қатысты.
Форум аясында кәсіпкер әйелдерді «AMANAT» партиясы Қостанай облыстық филиалының грамоталарымен марапаттау рәсімі өтті. Марапаттарды партияның облыстық филиалының төрағасы Алмат Досмұхамедов табыстады.
Қоғамдық белсенділігі, әйелдер кәсіпкерлігін дамытуға қосқан үлесі және әлеуметтік маңызы бар бастамаларды жүзеге асыруға атсалысқаны үшін Роза Акбасова, Ольга Мороз және Елена Яцкевич марапатталды.