«Психологиялық Қызметті Жетілдіру» тақырыбындағы диалог алаңы өтті
“AMANAT” партиясы Түркістан қалалық филиалының жанындағы “Достық” бастауыш партия ұйымының төрағасы, “Әйелдер қанатының” мүшесі Алдабергенова Гульмира Қыдыралиевнаның төрағалығымен БПҰ-ның әйел мүшелері арасында «Психологиялық Қызметті Жетілдіру» тақырыбында мазмұнды кездесу ұйымдастырылды.
Кездесу барысында қоғамдағы әйелдердің психологиялық саулығы, отбасылық құндылықтарды нығайту, эмоционалдық қолдау мен өзара түсіністікті арттыру мәселелері кеңінен талқыланды. Сонымен қатар, қазіргі қоғамдағы психологиялық қызметтің маңыздылығы айтылып, түрлі ұсыныстар мен пікірлер ортаға салынды.
Диалог алаңы еркін пікір алмасу форматында өтіп, қатысушылар өз ойларын білдіріп, өзекті мәселелер төңірегінде ашық әңгіме өрбітті. Осындай кездесулер қоғамдағы рухани тұрақтылық пен бірлікті нығайтуға өз үлесін қосатыны сөзсіз.
