Әділетті және Прогрессивті Қазақстанның Халықтық Конституциясы үшін
«Әділетті және Прогрессивті Қазақстанның Халықтық Конституциясы үшін!» атты Жетісай аудандық коалиция мүшелері түсіндіру жұмыстарын іскер әйелдер қауымдастығы ұжымымен кездесуді жалғастыруда. Кездесуді аудандық коалиция мүшелері Байтанаева Набаткүл, Ақтөреева Қаршыға, Өмірбай Кәмира қатысты.
КОАЛИЦИЯ МҮШЕЛЕРІ ІСКЕР ӘЙЕЛДЕР ҚАУЫМДАСТЫҒЫ ҰЖЫМЫМЕН КЕЗДЕСТІ
«Әділетті және Прогрессивті Қазақстанның Халықтық Конституциясы үшін!» атты Жетісай аудандық коалиция мүшелері түсіндіру жұмыстарын іскер әйелдер қауымдастығы ұжымымен кездесуді жалғастыруда. Кездесуді аудандық коалиция мүшелері Байтанаева Набаткүл, Ақтөреева Қаршыға, Өмірбай Кәмира қатысты.
Кездесу барысында Конституцияға енгізілген өзгерістер мен толықтырулардың мазмұны, олардың қоғамдағы әділеттілік пен заң үстемдігін нығайтудағы рөлі кеңінен түсіндірілді. Сондай-ақ жаңа редакциядағы бірқатар баптарға жеке тоқталып, олардың азаматтардың құқықтарын қорғау, әлеуметтік кепілдіктерді күшейту және мемлекеттік басқарудың ашықтығын арттыруға бағытталған тұстары айтылды.
Жиын барысында Конституция жобасындағы жаңа нормалар кеңінен түсіндірілді. Коалиция мүшесі Ақтөреева Қаршыға өз сөзінде:
«Конституция жобасының жаңа нормаларында адам құқығы мен мүддесін ең жоғары құндылық ретінде айқындау, заң мен тәртіп қағидатын күшейту және құқықтық мемлекеттің негіздерін нығайту міндеттері белгіленген. Бұл басымдықтар мемлекеттік басқарудағы ашықтық пен қоғам алдындағы жауапкершілікті арттыруды көздейді», – деп атап өтті.
Іскер әйелдер қауымдастығы мүшелері ұсыныстарын білдіріп, реформалардың мәнін халыққа жеткізуде кәсіпкер әйелдердің белсенділігі маңызды екенін атап өтті. Ашық пікір алмасу форматында өткен кездесу өзара түсіністік пен ынтымақтастықты арттыруға мүмкіндік берді.
