Алматы облысында Жамбыл мұрасын дәріптеген жас ақындар айтысы өтті
Жамбыл ауданында халық ақыны Жамбыл Жабаевтың 180 жылдығына арналған «Жамбыл мұрасы – ұлт қазынасы» атты облыстық жас ақындар айтысы өтті.
«AMANAT» партиясының «Ұлттық мұра» жобасы аясында ұйымдастырылған өнер додасына Алматы облысының аудан-қалаларынан келген 16 мектеп оқушысы қатысты.
Жас ақындар сахнада Жамбыл мұрасын, туған жерге құрметті, елдік пен бірлікті, ұлттық құндылықтарды жырға қосты. Қатысушылардың өнері тіл байлығы, ой ұшқырлығы, сахна мәдениеті және суырыпсалмалық шеберлігі бойынша бағаланды.
Іс-шарада сөз сөйлеген «AMANAT» партиясы Алматы облыстық филиалының атқарушы хатшысы Серік Нұрқадыров Жамбыл мұрасын дәріптеу – ұлттық тәрбиенің маңызды бөлігі екенін атап өтті.
💬«Жамбыл Жабаев – қазақ руханиятының биік тұлғасы. Оның мұрасын жас ұрпаққа насихаттау – тек мәдени шара емес, ұлттық тәрбиенің маңызды бөлігі. Бүгінгі айтысқа қатысқан оқушылар – сол рухани сабақтастықтың жалғасы», – деді Серік Нұрқадыров.
Ал Жамбыл ауданының әкімі Нұрлан Ертас өз сөзінде жас ақындар айтысының жыр алыбының туған жерінде өтуі ерекше мәнге ие екенін атап өтті. Сонымен қатар ауданда ақындар мектебін ашу мәселесі қолға алу қажет екенін айтты. Оның сөзінше, мұндай бастама Жамбыл мұрасын жүйелі дәріптеп қана қоймай, өңірд