Әйелдер көшбасшылығын дамыту мәселелері талқыланды
ИДЕЯДАН ІСКЕ: ӘЙЕЛДЕР БАСТАМАСЫ
«AMANAT» партиясы Ақтөбе облыстық филиалы Әйелдер қанатының ұйымдастыруымен 10 бағыт бойынша жұмыс тобының қатысуымен маңызды дөңгелек үстел өтті. Кездесу барысында қоғамдағы әйелдердің рөлі, олардың көшбасшылығын дамыту және өңірдегі өзекті мәселелер кеңінен талқыланды.
Жиында ерекше балаларға арналған «Шексіз мүмкіндік» жобасының алдағы жоспары қарастырылып, балаларға қолдау көрсету бағытындағы жұмыстар сөз болды. Сонымен қатар, өңірдегі психологтардың симпозиумын өткізу мәселесі көтеріліп, қоғамдағы психологиялық қолдаудың маңыздылығы айтылды.
Басқосу барысында шалғай ауылдардағы әйелдердің белсенділігін арттыру, оларды қоғамдық жұмыстарға көбірек тарту, кәсіп пен білім бағытында қолдау тетіктері де талқыланды. Қатысушылар ауыл әйелдерінің бастамаларын дамыту үшін нақты ұсыныстарын ортаға салды.
Кездесу соңында алдағы уақытта өтетін шаралар пысықталып, бірлескен жұмыстарды күшейту жөнінде ортақ келісім жасалды. Осындай кездесулер әйелдердің қоғамдағы белсенділігін арттырып қана қоймай, маңызды жобалардың жүзеге асуына серпін беретіні анық.
@aqtobe_women_amanat