Әйелдер денсаулығына арналған конференция өтті

«AMANAT» партиясының Қарағанды облыстық филиалы жанындағы Әйелдер қанаты «Өмір Сыйла – Надежда на жизнь» қорымен бірлесіп әйелдер денсаулығына арналған маңызды іс-шара өткізді.

Партияның мәжіліс залына Қарағанды облысының түкпір-түкпірінен келген 200-ден астам әйел жиналды.

Конференция аясында сүт безі қатерлі ісігінің алдын алу мәселелері талқыланды. Іс-шараға медицина саласының тәжірибелі мамандары қатысып, скринингтен уақытылы өтудің және денсаулыққа көңіл бөлудің маңызын қарапайым әрі түсінікті тілде жеткізді.

Кездесу өте жылы, шынайы әрі қолдаушы атмосферада өтті. Көптеген қатысушылар өз денсаулығына көбірек көңіл бөлу туралы маңызды шешім қабылдағандарын атап өтті.

Ұйымдастырушылар мұндай кездесулердің адамдар өмірін сақтауға ықпал ететініне сенімді.

Алдағы уақытта Әйелдер қанаты мен қор арасындағы ынтымақтастық жалғасып, әйелдерге құқықтық кеңес беру, психологиялық қолдау және қаржылық сауаттылықты арттыру бағытындағы жұмыстар жүргізілетін болады.

Өйткені әйел денсаулығы — ұлт денсаулығы. 
Бұл — «AMANAT» партиясы мен Әйелдер қанаты жұмысының маңызды басымдықтарының бірі.