Қостанай облысы психологтарының конгресі
«Психологиялық қызмет туралы заң – сапалы психологиялық көмек пен менталдық денсаулықты нығайтудың маңызды қадамы».
Іс-шараның басты мақсаты – Мәжілісте мақұлданған «Психологиялық қызмет туралы» заң жобасын талқылау және өңірдегі психологиялық қолдау жүйесін жетілдіру.
Конгреске «AMANAT» партиясы Қостанай облыстық филиалының төрағасы Алмат Досмұхамедов, облыстық Әйелдер қанатының жетекшісі Гүлсара Жаманқұлова, білім беру және денсаулық сақтау ұйымдарының өкілдері, ғалымдар мен кәсіби психологтар қатысты.
Жиын барысында психологтардың мемлекеттік тізілімін құру, кәсіби этика нормаларын бекіту, балалар мен жасөспірімдердің психологиялық қауіпсіздігін қамтамасыз ету, сондай-ақ суицидтің алдын алу мәселелері талқыланды.
Конгресс қорытындысы бойынша қатысушылардың ұсыныстары негізінде арнайы резолюция қабылданып, психологиялық қызметтің сапасын арттыруға бағытталған нақты ұсыныстар енгізілді.